जगणं हे सुंदर आहे. अर्थात ते जगणं नैसर्गिक हवं. निसर्गाशी ते अधिकाधिक जवळीक साधणारं हवं. ही जवळीक जितकी कमी तशा जगण्यातील समस्या विस्तारतात. समस्यांच्याही या गर्तेत काही माणसं सुंदर जगतात आणि जग सुंदर करू पहातात. मी अशा लोकांचा शोध घेऊ पहातोय. याशिवाय, जे मनात आहे ते शब्दात उतरवण्याची संधी शोधतोय. ही संधी मला इथे मिळते.
Showing posts with label संस्कृती Culture. Show all posts
Showing posts with label संस्कृती Culture. Show all posts
सह्याद्रीच्या कुशीतील शेतकऱ्याच्या घरात श्रीमंती किचन किंवा झगझगीत दिवेही नसतात; पण माया, समाधान, शांतता असते. या मावशींनी भल्या सकाळी गोठा साफ केला. धारा काढल्या. मग आदराने मला चुलीवरचा चहा करून दिला..!
आज घरी वासुदेव आले होते. ते मूळचे बुलढाण्याचे. "उदरनिर्वाहासाठी परंपरागत व्यवसाय जपतो आहे. वडिलांच्याच या चिपळ्या मी आज वापरतो आहे," असे ते आनंदाने सांगत होते. वासुदेव मंडळींना समाजप्रबोधनाचा वारसा आहे. गीतेचे तत्वज्ञान सोप्या भाषेत गावागावात प्रथम वासुदेवांनी पोहोवले..!
