पळस

👆तप्त उन्हात आणि उजाड रानात राजकुमारासारखा रूपवान भेटतो तो पळस वृक्ष..!

पावसाळ्यानंतर महिना दोन महिन्यात आधीचे मनोहारी हिरवेगार पर्वत पुरते उजाड होतात. त्यामुळे भटकंती करताना कधी कधी उदास माहोल तयार होतो. अशा वेळी जंगलात अचानक गर्द केशरी पळस फुले दिसली की मन मोहोरून जाते. उदासी विरून जाते आणि मन आनंदात चिंब भिजते. त्याचे गर्द रुप न्याहाळताना नयन दिपून जातात.

सह्याद्रीच्या पर्वतरांगांमध्ये सूर्यास्ताच्या वेळी नभांगण लाल, केशरी रंगाने भरून जाते. सूर्यास्तानंतर नभांशी सौदा करून ताजा केशरी रंग हा पळस धरतीवर आणत असावा आणि भल्या सकाळी नटूनथटून जंगलात डोलत इतरांना खिजवत असावा, असा माझा संशय आहे..! 😊🦚🏞️⛺