सकाळ

👆 आजची प्रसन्न सोनेरी सकाळ..! 🕊️🦚😊🏞️

पांडुरंगाचे दर्शन

👆 भटकंती करताना एका गावाच्या बाजूला देऊळ होते. देवळाची भिंत भक्तीत तल्लीन झालेल्या वारकरी आणि विठुरायाच्या प्रसंगाने सुरेख रंगविली होती. त्या चित्राने अवघे गाव एक गाभारा बनले होते. त्यामुळे मूळ देवळात न जाताच पांडुरंगाचे मनोहारी दर्शन मला झाले.

 खरे तर महाराष्ट्रातील समस्त वारकरी म्हणजे आपले आद्य ट्रेकर्स.  आजचे ट्रेक आणि दिंडी यात फरक नसतो. आपण गडकोट आणि दऱ्याडोंगरांकडे धाव घेतो तर वारकरी संप्रदायाचे गडकोट हे आळंदी, देहू, त्र्यंबकेश्र्वर.    त्यांच्यासाठी पंढरपूर हा भक्तीचा एक बालेकिल्लाच..!

🕊️🦚😊🏞️⛺

सह्याद्रीमधील मर्सिडिज बेंझ

👆 सह्याद्रीमधील मर्सिडिज बेंझ :

  दऱ्याखोऱ्यात शेती करणाऱ्या गरीब शेतकऱ्याच्या दारात उभी असलेली ही बैलगाडी त्याचे खरेखुरे वैभव असते.   😊🦚🏞️⛺

आमचा मावळा

👆 आमचा मावळा आज राजाधिराजांच्या शौर्य सहवासात होता..!    😊🦚🏞️⛺

पळस

👆तप्त उन्हात आणि उजाड रानात राजकुमारासारखा रूपवान भेटतो तो पळस वृक्ष..!

पावसाळ्यानंतर महिना दोन महिन्यात आधीचे मनोहारी हिरवेगार पर्वत पुरते उजाड होतात. त्यामुळे भटकंती करताना कधी कधी उदास माहोल तयार होतो. अशा वेळी जंगलात अचानक गर्द केशरी पळस फुले दिसली की मन मोहोरून जाते. उदासी विरून जाते आणि मन आनंदात चिंब भिजते. त्याचे गर्द रुप न्याहाळताना नयन दिपून जातात.

सह्याद्रीच्या पर्वतरांगांमध्ये सूर्यास्ताच्या वेळी नभांगण लाल, केशरी रंगाने भरून जाते. सूर्यास्तानंतर नभांशी सौदा करून ताजा केशरी रंग हा पळस धरतीवर आणत असावा आणि भल्या सकाळी नटूनथटून जंगलात डोलत इतरांना खिजवत असावा, असा माझा संशय आहे..! 😊🦚🏞️⛺

काजळ सांज

 

👆

हळूहळू काजळताना

शाम ही सुरंगी...

तुझे भास दाटुनी येती

असे अंतरंगी...

सह्यधारेने कालच्या काजळ सांजेला निर्मळ भटकंती केली. त्यावेळी एक सुंदर सखी (रानवाट) भेटली. तीच्यासंगे सूर्यास्ताच्या प्रदेशात चालत गेलो..! 😊🦚🏞️⛺

प्रसन्न सकाळ

स्वप्नात पाहिलेली सकाळ प्रत्यक्षात अनुभवायला मिळाली तर..?  असे झाल्यास निसर्गाच्या दारी पदरी पडलेली प्रसन्नता अवर्णनीय असते. आजच्या भटकंतीमधील अनुभवली ही धुंद सकाळ..!

 

सह्याद्रीपुत्र

👆 भटकंतीत सह्याद्रीपुत्र भेटला. त्याने त्याच्या थकलेल्या बाळाला कवटाळले होते..!      😊🦚🏞️

फुलांसगे

👆 हृदयी (गिरी) प्रीत जागते.. जाणता अजाणता..! काल या फुलांसगे होतो.   😊🦚🏞️

सूर्यास्त दर्शन

👆 काल पवित्र मुरुमदेव पर्वतरांगांमध्ये सूर्यास्त दर्शन घेतले..!

😊🦚🏞️

रानातले रस्ते

👆 भटकंतीत रानातले रस्ते अलगद मनात घर करुन बसतात. ते छोटे, काट्याकुट्याचे असले तरी भटक्यांसाठी निसर्गातील खरेखुरे समृध्दी महामार्ग असतात..! 😊🦚🏞️